''Kürd Vüqar'' qətlə yetirilən bələdiyyə sədrinin qardaşını öldürdü – YENİLƏNİB

Abşeron rayonunun Saray qəsəbəsində qətl hadisəsi baş verib.

Abşeron rayonu Saray qəsəbəsində törədilmiş qətlin görüntüləri yayılıb.
Xeberle.com xəbər verir ki, qəsəbə sakini – "Kürd Vüqar” adı ilə tanınan Vüqar Hüseynov 1963-cü il təvəllüdlü Muğan Salikovu iki yumruq zərbəsi ilə öldürüb. Onun xalasının həyat yoldaşı olan M.Salikovu vurub öldürməsi anı ərazidəki müşahidə kameralarına düşüb.
Həmin görüntüləri ARB telekanalına istinadən təqdim edirik:



+++

"Report"un yerli bürosunun məlumatına görə, 1963-cü il təvəllüdlü Saray qəsəbə sakini Muğan Əfqan oğlu Salikov öz həmyerlisi "Kürd Vüqar" ləqəbli şəxs tərəfindən qəsəbədəki "Qatar" restoranında vəhşicəsinə döyülüb və onunla gələn bir neçə nəfərin hücumuna məruz qalıb.

Yaralı Sumqayıt şəhər Təcili Tibbi Yardım Xəstəxanasının zədə məntəqəsinə çatdırılıb. Ancaq onun vəziyyəti ağır olduğundan Reanimasiya şöbəsinə yerləşdirilib. Həkimlərin səylərinə baxmayaraq, yaralı komaya düşdükdən sonra ayılmayıb. Onun meyiti morqa yerləşdirilib.

Muğan Salikovla "Kürd Vüqar" arasında əvvəllər də ədavətin olduğu bildirilir. 2015-ci ilin iyun ayında Abşeron rayonunun Saray qəsəbəsində yaşayan qəsəbə bələdiyyəsinin sədri, 1976-cı il təvəllüdü Vəsilə Əbdilhəsənova və onun həyat yoldaşı, 1976-cı il təvəllüdlü Vəfadar Əbdilhəsənov evlərində qətlə yetirilib. Onların boğazında və bədəninin bir neçə nahiyəsində bıçaq xəsarətləri olub.

Hadisəni törətməkdə şübhəli sayılan 1980-cı il təvəllüdlü Fədail Güloğlan oğlu Hüseynov polisin keçirdiyi əməliyyat nəticəsində saxlanılıb. Eyni zamanda həmin vaxt hadisəni törətməkdə şübhəli bilinən Vüqar Hüseynov adlı şəxs də tutulub. O, bundan əvvəl tutulmuş 1980-ci il təvəllüdlü Fədail Güloğlan oğlu Hüseynovun qardaşıdır. V.Hüseynov ifadəsinin alınması üçün Abşeron Rayon Prokurorluğuna aparılıb. Onun baş verən cinayətdə əlinin olub-olmaması araşdırılır.

Fədail, Vüqar və Nuru Hüseynov qardaşları Abşeron rayon Saray qəsəbəsində ev və torpaq alqı-satqısı ilə məşğul olub və bələdiyyə sədri V.Əbilhəsənovanın yaxın adamları kimi tanınıb. Hadisə zamanı V.Əbilhəsənova və onun həyat yoldaşı qətlə yetiriləndən sonra evdən pul və heç bir qiymətli əşyalar oğurlanmayıb.
Faktla bağlı araşdırma aparılır.