Bakıda evdən 2 min ədəd 50 qəpiklik oğurlandı

Bakıda mənzildən 1000 manat dəyərində qəpik oğurlanıb.

AzNews.info Lent.az-a istinadən xəbər verir ki, hadisə Səbail rayonu Ö.F.Nemanzadə küçəsi 58/16 ünvanında baş verib.

Həmin ünvanda qeydiyyatda olmaqla yaşayan 1962-ci il təvəllüdlü Bağırzadə Xoşbəxt Bayram qızı bildirib ki, evdə olmadığı müddətdə naməlum şəxs və ya şəxslər pəncərəni sındıraraq mənzilə soxulublar.

Evdən ümumilikdə dəyəri 1000 manata yaxın olan 50 qəpikliklər (təxminən 2000 ədəd) oğurlanıb.

Faktla bağlı araşdırma aparılır.