19 yaşlı model ölü tapıldı

Londonda keçiriləcək gözəllik yarışmasında iştirakçı olan 19 yaşlı model ölüb.

ANS PRESS-in məlumatına görə, Hondurasda yaşayan Mariya Alvarada və onun bacısının meyiti tapılıb.

Onların 4 gün əvvəl itkin düşdükləri bildirilib.

Polis gənc bacıların axtarışına başlayıb. Axtarışlar zamanı qızların qətlə yetirilən cəsədləri kimsəsiz ərazidə tapılıb.

Gənc modeli və bacısını sonuncu dəfə Santa Barbara şəhərində təşkil olunan qonaqlıqda görüblər.

Polis qızların ölümündə 4 nəfər şübhəlini tutub. Saxlanılanlardan ikisi bacıların tanışları olub.

Faktla bağlı araşdırma aparılır.