Mondraqon özünü öldürmək istədi

“Qalatasaray”ın və Kolumbiya milli komandasının keçmiş qapıçısı Ali Farid Mondraqon intihara cəhd edib.

Oxu.Az xarici KİV-ə istinadən xəbər verir ki, 44 yaşlı idmançı Kolumbiyanın Kali şəhərində təcili xəstəxanaya çatdırılıb. Həkimlər bildiriblər ki, Mondraqonun həyatı üçün heç bir təhlükə yoxdur.

İntihara cəhddən qabaq keçmiş qapıçı Instagram səhifəsində yazı yerləşdirib:

“Məni özümdən başqa heç kim həyatıma görə mühakimə edə bilməz. Mən inamsızlıq hissindən yorulmuşam”. Sonradan yazı silinib.