Bakıda əcnəbiləri soyan dəstə yaxalandı

Bakıda əcnəbi vətəndaşlara qarşı quldurluq edən cinayətkar dəstə ələ keçirilib.

Virtualaz.org Daxili İşlər Nazirliyinin saytına istinadən bildirir ki, oktyabrın 19-da Rusiya Federasiyası vətəndaşı Georgiy Rostovşikovun içərisində 250 manat, 200 avro və 100 dollar, habelə mobil telefon olan çantasını soyğunçuluq yolu ilə almış Balakən rayon sakini Yadigar Qurbanov, Qəbələ rayon sakini Vasif Musayev və Sabirabad rayon sakini Bəhruz Məmmədov tutulublar.

Aparılan əməliyyat tədbirləri ilə onların oktyabrın 25-də Səbayel rayonu ərazisində “Bredro SHOK” neft şirkətinin mühəndisi, Hindistan vətəndaşı Vishal Kiron Sammeli bıçaqla hədələyib 50 manatını, sürücülük vəsiqəsini və 2 ədəd bankomat kartını almaları da müəyyən edilib.

Faktla bağlı araşdırma aparılır.