Gürcüstandan Azərbaycana marixuana gətirən şəxs yaxalandı

Azərbaycana narkotik maddə keçirilməsinin qarşısı alınıb.

Dövlət Gömrük Komitəsindən Oxu.Az-a verilən məlumata görə, Tovuz Gömrük İdarəsinin “Sınıq Körpü” gömrük postunda Gürcüstan Respublikasından Azərbaycan Respublikasına gələn Azərbaycan vətəndaşı Natiq Həsənovun idarə etdiyi “Audi S4” markalı minik avtomobilinə baxış keçirilib.

Baxış zamanı avtomobilin salonundan ümumi xalis çəkisi 0,37 qram olan narkotik vasitə - qurudulmuş marixuana aşkar edilib.

Faktla bağlı təhqiqat aparılır.