İstanbulda “Fənərbaxça” futbolçusunun avtomobili gülləbaran edilib

İstanbulda “Fənərbaxça” futbol klubunun oyunçusu Mehmet Topalın maşını gülləbaran edilib.

Oxu.Az Türkiyə KİV-ə istinadən xəbər verir ki, hadisə İstanbulun mərkəzi küçələrindən birində baş verib.

Naməlum şəxslər futbolçu komanda yoldaşı Uyqar Mert Zeybek ilə birlikdə məşqdən qayıdan zaman avtomili atəşə tutublar.

“Fənərbaxça” futbolçularını avtomobilin gülləkeçirməz ön şüşəsi xilas edib.

Faktla bağlı İstanbul polisi araşdırma aparır.

Araşdırmalardan sonra hücum edənlərin kimliyi və onların məqsədi bəlli olacaq.