Ağ Evə daha bir hücum

Vaşinqtonda Ağ Evə tərəf avtomobillə hərəkət edən bir nəfər ABŞ-da ali vəzifə işçilərini qoruyan gizli xidmətin “dayan” əmrinə tabe olmayıb, lakin quraşdırılmış maneələr ucbatından iqamətgaha da yaxınlaşa bilməyib.

ANS PRESS-in məlumatına görə, avtomobilindən enən sürücü dərhal həbs edilib.

CNN-ə mənbədən daxil olan məlumatda bildirilir ki, hadisə Ağ Evə keçid məntəqəsində baş verib.

Saxlanılanın hərəkətlərinin səbəbi açıqlanmır.

Qeyd edək ki, bundan əvvəl iqamətgahın sahəsinə bir nəfər naməlum şəxsin çəpərdən atlanaraq keçməsi və binaya daxil olmaq istəməsi ilə əlaqədar insanlar binadan təxliyyə edilmişdi.

Hər iki insident zamanı ABŞ prezidenti və ailəsi iqamətgahda olmayıb.