Bakının mərkəzi küçəsində nəqliyyatın hərəkəti tam məhdudlaşdırılır

“Formula-1” yarışı ilə bağlı paytaxtın yarış trekinin üzərinə düşən mərkəzi küçələrində təmir-tikinti işləri qismən aparılır.

Nəqliyyatı İntellektual İdarəetmə Mərkəzindən Oxu.Az-a verilən məlumata görə, su borularının dəyişdirilməsi ilə əlaqədar olaraq 10-11 fevral tarixlərində İstiqlaliyyət küçəsinin “Şeyx Şamil” və “Niyazi” küçələri ilə kəsişmələri arasında qalan hissəsi nəqliyyatın hərəkətinə tamamilə bağlı olacaq.

Bu küçələr ilə gələn avtomobillər “İstiqlaliyyət” küçəsində sola tərəf hərəkət edə biləcəklər.