Türkiyədə ağır yol qəzası: Yeddi nəfər ölüb

Türkiyənin Adıyaman şəhəri yaxınlığında Bingöl-Adıyaman marşrutu ilə hərəkət edən sərnişin avtobusunun minik avtomobili ilə toqquşub.

Oxu.Az “CNN Türk”ə istinadən xəbər verir ki, qəza nəticəsində yeddi nəfər ölüb. Onlardan ikisinin uşaq olduğu bildirilir.

Qeyd olunur ki, yol qəzası nəticəsində daha 10 nəfər yaralanıb. Yaralılardan beşinin durumu ağırdır.

Hadisənin başvermə səbəblərini araşdırılır.