Yerevanda silahlı qrupun iki üzvü təslim oldu

İyulun 17-də post-patrul xidmətini zəbt edən silahlı qrupun iki üzvü Qaqiq Yeqazaryan və Aram Akopyan hüquq-mühafizə orqanı əməkdaşlarına təslim olub.

Oxu.Az xəbər verir ki, bu barədə Ermənistan polisinin mətbuat katibi Aşot Aqaronyan bəyan edib.

Onun sözlərinə görə, atışma olub. Atışma nəticəsində hüquq-mühafizə orqanı əməkdaşı, eləcə də “Sasna tsrer” qrupunun üzvü Pavel Manukyan və onun oğlu Aram yaralanıb. Yaralıların hər üçü xəstəxanaya yatırılıb.

“Hazırda atışma dayanıb, silahlı qrupun üzvlərinin təslim olması barədə danışıqlar aparılır”, - deyə Aqaronyan bildirib.