Azərbaycan mövsümə darmadağınla başladı

Bu gün qadın voleybolçulardan ibarət Azərbaycan klubları üçün yeni avrokubok mövsümünə start verilib.

ANS PRESS-in məlumatına görə, ölkəmizi “Çelenc Cup”da təmsil edən "Azərreyl" ilk oyununu keçirib.

Azərbaycanın avrokuboklardakı 4 klubundan biri olan Bakı təmsilçisi "İnsbruk"la qarşılaşıb. Matç təmsilçimizin 3:0 hesablı qələbəsi ilə yekunlaşıb. 3 setdə "Azərreyl" ümumilikdə rəqibindən 31 xal artıq toplayıb.

Qeyd edək ki, razılaşmaya əsasən hər 2 görüş Bakıda oynanılacaq. Komandalar cavab matçına sabah saat 15.30-da çıxacaqlar.

Çelenc Cup
II təsnifat mərhələsi
İlk oyun, 11 noyabr

İnsbruk (Avstriya) - Azərreyl (Azərbaycan) 0:3 (10:25; 16:25, 18:25)
Hakimlər: Boyan Bardiç (Xorvatiya), Kristian Vanaveski (Estoniya).
Bakı, Voleybol Mərkəzi.