Milli komandamızın ilk sınağı

Bu gün 19 yaşadək futbolçulardan ibarət Azərbaycan yığması Avropa çempionatının ilkin seçmə mərhələsində ilk oyununu keçirəcək.

ANS PRESS-in məlumatına görə, komandamız meydan sahibi Macarıstanla qarşılaşacaq.

Oyun Dunaujvaroş şəhərindəki "Ezsperanto Ut" stadionunda baş tutacaq. Şotlandiyalı FIFA referisi Con Beatonun idarə edəcəyi qarşılaşma Bakı vaxtı ilə saat 21.00-da başlayacaq.

Qeyd edək ki, qrupun ilk oyunu bu gün Slovakiya və Sloveniya arasında keçirilib. Matç slovakların 2:1 hesablı qələbəsi ilə yekunlaşıb. Millimiz noyabrın 12-də Slovakiya, 3 gün sonra Sloveniya ilə qarşılaşacaq.

Avropa çempionatı
Seçmə mərhələ
4-cü qrup, 10 oktyabr

21.00 Macarsıstan - Azərbaycan
Hakimlər: Con Beaton, Qrem Styuart (Şotlandiya), David Morhaym, Eli Hakmon (İsrail).
Dunaujvaroş. "Ezsperanto Ut" stadionu.

Slovakiya - Sloveniya 2:1
Qollar: Tomaş Vesteniçki, 41; 65-pen - Alen Ozbolt, 58.
Hakimlər: Marko Quyda, Matteo Passeri (İtaliya), Peter Kobor, Adam Farkaş (Macarıstan).
Tatabanya. "Qrosics Qyula" stadionu.