Pike Suareslə məzələndi

"Barselona"nın müdafiəçisi Xerard Pike Luis Suareslə məzələnib.

ANS PRESS-in məlumatına görə, Pike komanda yoldaşından onu dişləməməyi xahiş edib. Xerard ispaniyalı jurnalistlərə açıqlamasında bunları söyləyib:

"Məşq zamanı top uğrunda mübarizə apararkən ona "bax ha, məni dişləmə" dedim. Cavabında Luis gülümsədi. Uruqvaylı dostum bilir ki, oyun zamanı heç kimi dişləmək olmaz. Artıq bu hadisə baş verib. Suares etdiyi hərəkətə görə üzr də istəyib. İndi irəliyə baxmaq lazımdı. Hazırda o, məşqlərdə əla görünür".

Xatırladaq ki, Luis Suares dünya çempinatında İtaliya millisinin müdafiəçisi Corco Kyellinini dişlədiyinə görə FİFA tərəfində 4 aylıq diskvalifikasiya olunub.