FIFA-dan “Qarabağ”a təbrik

FIFA-nın prezidenti Yozef Blatter Topaz Premyer Liqasının qalibini təbrik edib.

ANS PRESS-in AFFA-ya istinadla verdiyi məlumata görə, Blatter AFFA prezidenti Rövnəq Abdullayevə ünvanladığı məktubda dünya futbol ailəsi adından "Qarabağ" (Ağdam) klubunu Topaz Premyer Liqasının 2014/2015-ci il mövsümünün qalibi olması, gözəl oyunu ilə azarkeşlərinə böyük sevinc yaşatması münasibətilə təbrik edib.

FIFA-nın prezidenti Yozef Blatter "Qarabağ" (Ağdam) klubuna daha böyük uğurlar arzulayıb.

Qeyd edək ki, Ağdam təmsilçisi 32 oyunda topladığı 68 xalla Topaz Premyer Liqasının 2014/2015-ci il mövsümünün qalibi adını qazanıb. "Qarabağ" bu mövsüm 20 qələbə, 8 heç-heçə və 4 məğlubiyyət alıb.