Qurban Qurbanovun debütü: Azərbaycan Moldova ilə heç-heçə oynadı – VİDEO

Antalyada Azərbaycan və Moldova futbol yığmaları arasındakı yoldaşlıq görüşü başa çatıb.

Oyunda hesab açılmayıb- 0:0. Xatırladaq ki, bu, milli komandanın baş məşqçisi postunda Qurban Qurbanovun birinci matçı idi.

***20:54

Matçın birinci hissəsi Azərbaycanın millisinin ərazi üstünlüyü ilə keçib. Amma moldavanların qapısı qarşısında əsl təhlükəli vəziyyət yaratmaq demək olar ki, mümkün olmayıb.

Qeyd edək ki, zədə aldığına görə Əfran İsmayılov birinci hissənin gedişində əvəz olunub. Onun yerinə meydana Ruslan Qurbanov çıxıb.

***15:06

Azərbaycan - Moldova oyununun hakimləri açıqlanıb.

Türkiyənin Antalya şəhərində təşkil olunmuş təlim-məşq toplanışı çərçivəsində bu gün Azərbaycanıb milli komandası Moldova yığması ilə yoldaşlıq oyunu keçirəcək.

“Mardan” stadionunda keçiriləcək oyun yerli vaxtla saat 19:00-da (Bakı vaxtı ilə saat 20:00) başlayacaq. Qarşılaşmanı türkiyəli hakimlər idarə edəcək: