Neymarın “Real”a keçidinin şərtləri açıqlandı

Fransanın PSJ klubunun braziliyalı hücumçusu Neymar 2017/2018 mövsümündə komandasına Çempionlar Liqasında qalib gəlməyə kömək etsə, İspaniyanın “Real” klubuna keçə bilər.

Oxu.Az-ın xəbərinə görə, bu barədə Goal.com nəşri yazır.

Nəşrin mənbəsinin məlumatına əsasən, Paris təmsilçisinin prezidenti Nasser Əl-Xelaifi hücumçuya söz verib ki, turnirdə qalib olsalar, onu 2018-ci ilin yayında İspaniyaya buraxacaq.

Neymar özü isə bildirib ki, “Santyaqo Bernabeu”da oynamağı arzulayır.