"Qarabağ"ın futbolçusuna 1 milyon avro qiymət qoyuldu

Yunanıstanın "Olimpiakos" klubu icarə əsasında "Qarabağ"da çıxış edən Tarik Elyunussiyə qiymət qoyub. Fanat.Az xəbər verir ki, yunan klubu Norveç millisinin üzvü üçün 1 milyon avro tələb edir.

"Qarabağ"la yaya qədər icarə müqaviləsi olan Tariki İsveçin AİK klubu transfer etmək istəyir. İsveçlilər bu transferi "Olimpiakos"la razılaşdırmalıdı. İndi isveçlilər tələb olunan məbləği aşağı salmağa çalışır.

Qeyd edək ki, Tarik Elyunussi "Olimpiakos"a 2016-cı ildə "Hoffenhaym"dan 1 milyon avroya transfer olunub. Alman klubu isə onu 2013-cü ildə "Rusenborq"dan 3 milyon avroya almışdı. 29 yaşlı futbolçu "Qarabağ"ın heyətində 8 rəsmi oyuna çıxıb.