“Neftçi” 1937 manata neçə üzvlük kartı satıb?

Avqustun 12-də “Neftçi” futbol klubu 3 növ üzvlük kartını satışa çıxarıb.

Oxu.Az xəbər verir ki, sadə kart - 19,37 manat, VİP kart – 193, 7 AZN və Elit kart - 1937 manata satılır.

Maraqlıdır ki, bu günə qədər, klub 3 Elit kart satıb, və onları kluba aidiyyatı olmayan adamlar alıblar.

Qeyd edək ki, Elit kartın sahibi mövsüm ərzində “Neftçi”nin keçirəcəyi bütün ev oyunlarına SkyBox üçün biletlər əldə edir. Keyterinq qiymətə daxildir. O həmçinin komandanın hər bir ev oyununa 2 (iki) nəfər qonaq dəvət edə bilər və stadionun içindəki parkinqdən yararlana bilər.

Elit kart sahibinə komandanın orijinal forması, azarkeş maykası, idman kostyumu və şərf hədiyyə olunur.