Bakı 2015: Oxatma yarışları keçirilib – YENİLƏNİB

Oxu.Az xəbər verir ki, Yaylagül Ramazanova gürcüstanlı Xatuna Narimanidze ilə görüşüb, o, yekunda 4:6 hesabı ilə uduzub.

Nurlana Vəliyeva rusiyalı Kristina Timofeyeva ilə görüşüb. Rəqibinə ciddi müqavimət göstərə bilməyən təmsilçimiz 0:6 hesabı ilə uduzub.

12:35

Azərbaycanı təmsil edən Olqa Senyuk Rumıniyadan Simona Bancila ilə yarışıb.

O, rəqibinə 5-6 hesabı ilə qalib gələrək 1/16 mərhələsinə adlayıb.

09:50

Avropa Oyunlarının 8-ci günündə kamandan oxatma yarışları davam edir.

Oxu.Az xəbər verir ki, 12:02-də Azərbaycanı təmsil edən Olqa Senyuk Rumıniyadan Simona Bancila ilə, 14:00-da Yaylagül Ramazanova Gürcüstandan Xatuna Narimanidze ilə, 15:31-də Nurlana Vəliyeva Rusiya təmsilçisi Kristina Timofeyeva ilə yarışacaqlar.

Qeyd edək ki, kamandan oxatma yarışları Tofiq Bəhramov adına Respublika Stadionunda keçirilir.