"İkinci mərtəbədə" vurulan ən yaxşı qollar – VİDEO

Futbol tarixində baş zərbəsiylə vurulmuş ən yaxşı 20 qol müəyyən edilib.

ANS PRESS-in məlumatına görə, "Mançester Yunayted"in və Hollandiya yığmasının məşhur hücumçusu Robin Van Persi "baş zərbəsiylə vurulmuş ən yaxşı qol" naminasiyasında birinci yeri tutub.

Ulduz futbolçu 2014-cü ildə keçirilmiş Futbol üzrə Dünya Çempionatında İspaniyanın qapısına vurduğu möhtəşəm qolla 1-ci sırada qərarlaşıb.

2-ci sırada isə Meksikalı oyunçu Jared Borgetti yer alıb. Futbolçu 2002-ci ildə İtaliya ilə matçda vurduğu baxımlı qolla futbol tarixinə düşüb.

Ən baxımlı qollar arasında Almaniyanın "Sankt Pauli" klubunun futbolçusu Yasuhiko Okuderanın "Köln"ə vurduğu qol da düşüb. 1977-ci ildə keçirilmiş oyunda Okudera baş zərbəsi ilə rəqib qapısını yol taparaq estetik qol vurub.

Futbol tarixində baş zərbəsiylə vurulmuş ən yaxşı 20 qolu sizə təqdim edirik: