Ramil Şeydayev: Bütün ölkə bizə azarkeşlik edəcək

Futbol millimizin üzvü Ramil Şeydayev Rusiyada müsahibə verib.

Oxu.Az xəbər verir ki, “Krılya Sovetov”un futbolçusu millimizin qarşıdan gələn turnirləri haqda danışıb:

“Tezliklə Millətlər Liqası başlayır. Sonra isə seçmə mərhələ start götürəcək. Bizim milli gənc, sürətli, ambisiyalı, öz məqsədinə çatmaq istəyən komandadır. Bütün ölkə bizə azarkeşlik edəcək. Ona görə də hər şey yaxşı olacaq. Bakıda, xüsusən də Avropa çempionatı zamanı oynamaq mənim çoxdankı arzumdur.

Kosovo asan rəqib deyil. Həmçinin Malta ilə səfərdə oynamaq da asan başa gəlməyəcək. Ancaq bütün bu komandalara qarşı oynayıb qalib gəlmək olar.

Qeyd edək ki, millimiz sentyabrın 7-də Kosovo ilə ev oyununa, bundan üç gün sonra isə Malta adasında səfər matçına çıxacaq.