İbrahim Şehiç Türkiyə Super Liqasında oynayacaq – FOTO

“Qarabağ”dan ayrılmış İbrahim Şehiçin yeni klubunun adına rəsmən aydınlıq gəlib.

Oxu.Az xəbər verir ki, Bosniya və Herseqovina milli komandasının üzvü karyerasını Türkiyə Super Liqasında davam etdirəcək.

O bir müddətdir danışıq apardığı Super Liqanın debütantı “Böyükşəhər Bələdiyyə Ərzurumspor”la münasibətlərini rəsmiləşirib. Futbolçu keçidi haqda danışarkən bir çox dostunun Ərzurumda xoşbəxt olduğunu və onu bu komandaya gəlməyə razı saldığını bildirib:

“Məni burda çox isti qarşıladılar. Özümü evimdəki kimi hiss etdim. İnşallah, birlikdə çox böyük uğurlara imza atacağıq”.

29 yaşlı futbolçu Superliqa təmsilçisi ilə 2+1 illik sözləşmə imzalayıb. Şehiç “Ərzurumspor”da ilinə 325 min avro qazanacaq.

Qeyd edək ki, İbrahim Şehiç 2013-cü ildən “Qarabağ”da çıxış edirdi və Ağdam klubuna məhz Türkiyədən gəlmişdi.