“Sumqayıt” – “Zirə” oyununda qələbə qolu – VİDEO

Mayın 20-də futbol üzrə Azərbaycan Premyer-Liqasında sonuncu turun oyunları keçirilib. Sumqayıtda eyniadlı komanda “Zirə”ni qəbul edib.

Virtualaz.org xəbər verir ki, bu oyunda turnir cədvəlindəki 4-cü yerin taleyi həll olunurdu. Bu pillə müəyən halda Avropa Liqasında oynamaq hüququ verir.

Oyunun son dəqiqələrində qələbə topu vurmaq xatirinə “Sumqayıt”ın qapıçısı rəqib qapısına tərəf gedib və hətta aşırma zərbə də vurmağa imkan tapıb. Lakin top “Zirə”nin oyunçularının ayağına düşüb və Tounkara boş qapı ilə təkbətək çıxaraq, komandasına qələbə qazandırıb – 2:1.

Qeyd edək ki, futbolda xokkeysayağı boş qapıya top vurulması çox nadir hadisədir.