Çempionlar Liqasında ilk qadın hakim – FOTO

Avropa futbolunun ən nüfuzlu klub turniri olan Çempionlar Liqasına qadın hakim təyinat ala bilər.

Oxu.Az xəbər verir ki, bu barədə Almaniya mətbuatı məlumat yayıb.

Xəbərdə Bundesliqanın cari mövsümündə baş hakim kimi debüt edən qadın referi Bibiana Ştaynhausun Çempionlar Liqasına təyinat ala biləcəyi qeyd edilib.

Belə ki, Avropanın ali futbol qurumu xanım hakimin qitənin ən nüfuzlu klub turnirinin oyunlarına təyinatında problem görmədiyini vurğulayıb. Ştaynhausun Bundesliqada iki illik təcrübənin ardından ÇL-də təyinat almağa başlayacağı gözlənilir.

Xatırladaq ki, xanım referi Bundesliqada baş hakim kimi cari mövsümdə - “Herta” - “Verder” görüşündə debüt edib.