Türkiyədə məşhur futbol klubu bağlanır

Türkiyənin “Qaziantepspor” klubu fəaliyyətini dayandırıb.

Oxu.Az-ın Hürriyet-ə istinadən məlumatına görə, bu barədə klubun rəsmi saytı açıqlama yayıb.

Açıqlamada bildirilir ki, bu qərar klubun üzləşdiyi maddi çətinliklərlə əlaqədardır.

Qeyd edək ki, 1969-cu ildə yaradılan Qaziantep təmsilçisi ötən mövsüm Superliqanı tərk edib. Hazırda isə komanda birinci divizionda sonuncu yerdədir.