“Kəpəz”in dönüşü uğurlu oldu! – VİDEO

Bu gün UEFA Avropa Liqasının I təsnifat mərhələsinin cavab qarşılaşmaları keçirilib. Apasport.az saytının məlumatına görə, təmsilçimiz “Kəpəz” “Daçiya” səfərinə yollanıb.

İlk oyunda öz meydanında rəqibi ilə qolsuz bərabərliyə razılaşmış gəncəlilər səfər matçında qələbəyə seviniblər. Şahin Diniyevin yetirmələri ikinci hissənin əvvəlində Dario Federikonun vurduğu qolla hesabı açıblar.

Matçın sonuna qədər başqa qol olmayıb və "Kəpəz" səfər qələbəsi ilə növbəti mərhələyə adlayıb.

Qeyd edək ki, 16 il sonra Avrokuboklarda yenidən çıxış edən Gəncə təmsilçisi dönüşünü mərhələ adlamaqla qeyd edib.

Avropa Liqası
I təsnifat mərhələsi
Cavab oyunu

“Daçiya” (Moldova) – “Kəpəz” (Azərbaycan) - 0:1
Qol: Dario Federiko Junior, 57

Baş hakim: Laşa Silaqava
Baş hakimin köməkçiləri: Zaza Menteşaşvili, Levan Todria
Dördüncü hakim: Qoga Kikaçeişvili (hamısı Gürcüstan)
UEFA nümayəndəsi: Tammo Beishuizen (Hollandiya)
Hakim-inspektor: İçko Lozev (Bolqarıstan)
Speya (Moldova). “Speya” stadionu
İlk oyun – 0:0

“Daçiya”: 12. Dmitriu Seleadnik, 2. Andrey Slinkin, 4. Semion Bulqaru (k), 5. Vyaçeslav Posmak, 10. Aleksandru Bejan, 11. Denis Kojanov, 15. Sapol Mani, 17. Yevgeni Kosiyuk, 19. Maksim Qavrilenko, 24. Abdul-Qafar Mamah, 28. Maksim Feşçuk.
Ehtiyat oyunçular: 16. Dorian Raylean, 7. Rinar Valeyev, 9. İqor Buqayev, 6. Medzit Neziri, 25. Andrey Buqneaç, 27. Vasil Yardan, 29. Yaser Turkan.
Baş məşqçi: Oleq Bejenar

“Kəpəz”: 88. Tadas Simaitis, 13. Şəhriyar Rəhimov, 25. Şəhriyar Əliyev, 36. Renan da Silva, 18. Tural Axundov (k), 5. Kərim Diniyev, 7. Vüqar Bəybalayev, 77. Serjinyo, 10. Dario Frederiko, 17. Nicat Qurbanov, 90. Jülien Ebah.
Ehtiyat oyunçular: 1. Eyyub Əliyev, 6. Ceyhun Cavadov, 9. Tural Qürbətov, 19. Orxan Əliyev, 21. Novruz Məmmədov, 23. Tural Nərimanov, 80. Tural Rzayev.
Baş məşqçi: Şahin Diniyev