Elmar Qasımov “World Masters”də birinci oldu

Daha bir Azərbaycan cüdoçusu Meksikanın Qvadalaxara şəhərində keçirilən “World Masters” turnirində uğura imza atıb.

Oxu.Az -ın məlumatına görə, turnirin sonuncu yarış günündə Elmar Qasımov (100 kq) fəxri kürsünün ən yüksək pilləsinə qalxmağı bacarıb.

Həlledici görüşdə Qasımov fransalı Siril Marenə ipponla yenərək qalib gəlib.

Beləliklə, 2 qızıl, 2 bürünc medal əldə edən Azərbaycan millisi 51 ölkənin qatıldığı “World Masters”i kişilərin sıralamasında 1-ci, ümumi sıralamada 2-ci pillədə başa vurub.