“Zenit” Çempionlar Liqası ilə vidalaşdı

Rusiyanın “Zenit” klubu Çempionlar Liqasının 1/8 final mərhələsində iki oyunun nəticəsinə görə Portuqaliyanın “Benfika” komandasına 3:1 hesabı ilə uduzaraq turnir ilə vidalaşıb.

Oxu.Az xəbər verir ki, Sankt-Peterburq təmsilçisi bu gün ev matçında da portuqaliyalılara məğlub olublar - 1:2 (ilk oyun “Benfika”nın 1:0 hesablı qələbəsi ilə başa çatmışdır).

Matçda hesabı 69-cu dəqiqədə ev sahiblərindən Halk açıb. 85-də Qaytan hesaba tarazlıq gətirib, hakimin əlavə etdiyi dəqiqələrdə isə Taliska portuqaliyalıların qələbə topunu vurub.

Beləliklə, “Real” və “Volfsburq”un ardınca “Benfika” da Çempionlar Liqasının 1/4 final mərhələsinə vəsiqə qazanıb.