Azərbaycan Rusiyaya qarşı

Azərbaycanın futzal üzrə yığması Belqradda keçirilən Avropa çempionatının dörddəbir finalına çıxdı.

Oxu.Az xəbər verir ki, bu barədə İtaliya keçən gecə Çexiyanı 7:0 hesabı ilə məğlub etdikdən sonra məlum olub.

Nəticədə “D” qrupunda İtaliya 6 xal ilə 1-ci yeri, Azərbaycan 3 xal ilə ikinci yeri tutub, Çexiya isə hər iki oyunu uduzaraq iştirakına son verib.

Xatırladaq ki, Azərbaycan yığması İtaliyaya 0:3 hesabə ilə məğlub olub, Çexiyaya isə 6:5 hesabı ilə qalib gəlib. Dörddəbir finalda Azərbaycan “C” qrupunda 1-ci yeri tutan Rusiya ilə görüşəcək. Matç fevral ayının 9-da baş tutacaq.