Messi karyerasında 500-cü qolunu vurdu

“Barselona”nın və Argentina yığmasının hücumçusu Lionel Messi peşəkar karyerasında 500-cü qolunu qeyd edib.

Oxu.Az xəbər verir ki, Valensiyanın qapısından keçirdiyi ikinci qolu, argentinalının karyerasında 500-cü qol olub.

İspaniya kubokunun yarımfinalında “Los Çes”ə qarşı matçda Leo üç dəfə fərqlənib, komandası 7:0 hesabı ilə Kamp Nou-da qalib gəlib və özü üçün praktiki olaraq Kopa del Reyin finalına vəsiqə qazanıb.

Qeyd edək ki, Messi “Barselona” üçün 436 qol vurub, Argentina yığmasının rəqiblərinin qapısından isə 49 qol keçirib. Gənclərdən ibarət yığmanın tərkibində olarkən 2 qol və Argentinanın U-20 komandasının tərkibində isə 20 qol vurub.