Qalatasaray yenə qələbə qazana bilmədi, Fənər isə liderliyi ələ keçirdi

Türkiyə Super Ligində 12. həftənin oyunları keçirilib.

AzNews.info xəbər verir ki, doğma meydanda Antalyasporu qəbul edən Qalatasaray 3 dəfə hesabda irəli çıxsa da, hər 3 dəfə Antalyaspor bərabərliyi təmin edə bilib. Beləliklə Qalatasaray 3 - 3 Antalyaspor.

Qollar: Yasin Oztekin, Lukas Podolski, Selcuk Inan (Qalatasaray) - Sezer Badur, (pen.) Samuel Eto'o, Mbilla Etame (Antalyaspor)

Qalatasarayın əsas rəqiblərindən olan Akhisar Bələdiyyəspor doğma arenada Bursasporu qəbul edib. Bursaspor üzərində 3-1 hesablı inamlı qələbə qazanan Akhisar xalını 22-yə çatdıraraq Qalatasaryla birgə 3 və 4-cü yerləri bölüşürlər.

Qollar: Hugo Rodallega (40. / 57.), Bruno Mezenga (Akhisar) - Balazs Dzsudzsak (Bursaspor)

Birincilik uğrunda mübarizə aparan Fənərbaxça isə səfərdə Mersinə 1-3 hesabı ilə qalib gələrək turnir cədvəlində 1. pilləyə yüksəlib. Fənərbaxçanın bu pillədə qalıb-qalmayacağı sabah Beşiktaş - Sivaspor matçının nəticəsindən asılı olacaq.

Qollar: Prejuce Nakoulma (Mersin) - Hasan Ali Kaldirim, Nani, Robin van Persie (Fənərbaxça)

Turun digər qarşılaşması isə Kayseridə baş tutub. Kasımpaşanı qəbul edən Kayserinin qələbə cəhdləri boşa çıxıb. Oyun qolsuz bərabərliklə başa çatıb.