Millimizin oyununa rekord sayda bilet satılıb

Sabah Avropa Çempionatının seçmə oyunları çərçivəsində Azərbaycan İtaliyanı qəbul edəcək. “Qafqazinfo” xəbər verir ki, 4 qat dünya çempionları ilə görüşə maraq böyükdür.

AFFA-nın İnformasiya və İctimaiyyətlə Əlaqələr departamentinin rəisi Mikayıl Nərimanoğlu futbolinfo.az-a bildirib ki, dünən axşama olan məlumata əsasən, bu oyuna 35 min bilet satılıb.

Bu isə yeni rekord deməkdir.

Belə ki, indiyədək heç vaxt millimizin matçlarında 35 min azarkeş iştirak etməyib. Oyuna hələ 1 gün qaldığını nəzərə alsaq, bu sayın daha da artacağına şübhə yoxdur.

“Skuadrra Adzura” isə dünən axşam saatlarında Bakıya gəlib. İtalyanlar “Hilton” otelində məskunlaşıb.

Qeyd edək ki, sözügedən qarşılaşma sabah saat 21:00-da Bakı Olimpiya Stadionunda start götürəcək.