Marko Parolo: Bakıdakı oyun bizim üçün finaldır

İtaliya millisinin futbolçusu Marko Parolo oktyabrın 10-da AVRO-2016-nın seçmə mərhələsi çərçivəsində Azərbaycana qarşı oyunu final adlandırıb.

“Bu asan oyun olmayacaq, - Oxu.Az “Latsio”nun yarımmüdafiçisinin sözlərindən sitat gətirir. - Azərbaycan yığması son 4 oyunda məğlub olmayıb və İtalya millisinə qarşı 110 faiz hazırdır.

Biz qələbə qazanaraq Avropa Çempionatına vəsiqə qazanmağı çox istəyirik. Buna görə Bakıdakı oyun bizim üçün finaldır”.

Azərbaycan - İtaliya oyunu oktyabrın 10-da Bakıda Olimpiya stadionunda keçiriləcək.