“Atletiko”-da “Land of Fire Azerbaijan” dövrü bitdi – FOTO

Madridin “Atletiko” futbol komandası 2015/2016 mövsümündən oyunlara üzərində “Land of Fire Azerbaijan” yazılı formalarla çıxmayacaq.
Oxu.Az xəbər verir ki, buna səbəb La Liqa təmsilçisinin növbəti iki mövsüm üçün forma sponsoru “Plus500” şirkəti olmasıdır.
Klubun saytının verdiyi xəbərə görə, “Atletiko” 2015/2016 mövsümündən oyunlara üzərində “Plus500” yazılı formalarla çıxacaq.
Tərəflər arasındakı razılığa əsasən, klub ildə 11 milyon avro qazanacaq. Artıq klub yeni formaların reklam çəkilişlərinə başlayıb.

Qeyd edək ki, “Atletiko” 2013-cü ilin əvvəlindən 2015-ci ilin iyunun 1-nə qədər oyunlara üzərində “Land of Fire Azerbaijan” yazılı formalarla çıxıb.