"Qalatasaray"ın futbolçusu azarkeşə avtomobil hədiyyə edəcək

Avtomobilin qiyməti 300 min dollardır
Türkiyənin "Qalatasaray" klubunun futbolçusu Felipe Melo azarkeşlərdən birinə avtomobil hədiyyə edəcək. "Report"un "Hürriyyət"ə istinadən verdiyi məlumata görə, bu, İstanbul təmsilçisinin çempion olacağı təqdirdə baş tutacaq.
Braziliyalı futbolçu 300 min dollar qiyməti olan avtomobilin yeni sahibinin sosial şəbəkə yolu ilə müəyyənləşəcəyini deyib.
Qeyd edək ki, Türkiyə Super Liqasında sona 2 tur qalmış lider "Qalatasaray" ən yaxın izləyicisi "Fənərbağça"nı 3 xal qabaqlayır.