Elnurun “Eurovision” klipi ikinci oldu – VİDEO

“Avroviziya” mahnı müsabiqəsinin “You-Tube” portalında olan rəsmi kanalında Azərbaycanı təmsil edən Elnur Hüseynovun “Hour Of The Wolf” mahnısına çəkilən klip baxış sayına görə top 3-ə daxil olub.

AzNews.info ANS PRESS-ə istinadən xəbər verir ki, Elnurun klipi 3 milyon 200 min baxışı keçib.

Elnurdan sonra 3-cü yerdə 2 milyon 800 min baxışla Albaniyanın təqdim etdiyi klip yer alıb.

Rəsmi kanalda baxış sayına görə liderlik isə Rusiya təmsilçisi Polina Qaqarinaya aiddir. Polina burada ən yaxın rəqiblərini bir milyon baxış geridə qoyaraq 4 milyona yaxın baxış əldə edib.

Mİliyon baxış əldə edən digər ölkələr isə Avstriya, İngiltərə və Belçikanın konkursa təqdim etdikləri kliplərdir.

Əlbətdəki əsas nəticə konkursun keçəcəyi gün bəlli olsa da ekspertlərin fikrincə bu göstəricini əldə edən ölkələrin finala çıxışı yüz faizdir.