Qız cins geyindiyinə görə şallaqlanacaq

Sudanın Hartum şəhərində 19 yaşlı Fardos Əl-Tuma cins geyindiyi üçün 20 şallaq vuracaqlar, CNN bildirib.

Onun vəkilinin sözlərinə görə, onu iyun ayının 25-də yerli kilsənin yaxınlığında həbs ediblər.

Oxu.Az bu barədə İnterfaks-a istinadən xəbər verir.

Hakim mövcud qanuna istinad edərək bu geyimi əxlaqa zidd hesab edib. Bundan başqa, Əl-Tum 500 sudan funt (83 dollara yaxın) cərimə də ödəməli olacaq.

Amnesty International-ın hüquq mühafizəçiləri Sudan hakimiyyətinə Əl-Tuma dəstək məqsədilə müraciət üçün internetdə imza toplamağa başlayıblar. Hal-hazırda 40 min adamın imzası toplanıb.