Toy gecəsinin səhəri bəy gəlini məhkəməyə verdi – Səbəbi sizi təəccübləndirəcək

Əlcəzair sakini ilk dəfə həyat yoldaşını makiyajsız gördükdən sonra onu məhkəməyə verib. Bu barədə "Metro" nəşri məlumat yayıb. Cütlüyün adı açıqlanmır.

Bildirilir ki, toyun səhəri günü əlcəzairli yuxudan oyanıb və həyat yoldaşının "təbii üzü"nü görüb. Məlumatlara əsasən, kişi gördüyündən şoka düşüb və qarşısında onun evləndiyi qadının olduğuna inanmayıb.

Hazırda kişi həyat yoldaşına qarşı "dələduzluq" və "psixoloji əzab"a görə iddia qaldırıb. Bundan başqa, əlcəzairli 20 min dollar məbləğində kompensasiya tələb edir.

"O deyib ki, toya qədər evləndiyi xanım çox gözəl və cazibədar görünürdü", - yerli mediadakı mənbə deyib. Onun sözlərinə görə, toydan sonra kişi həyat yoldaşını kosmetikasız görəndə qorxub və fikirləşib ki, o oğrudur.