Şəkidə ölümlə nəticələnən yol qəzası baş verib

Şəkinin Sarıca kəndində (rayon mərkəzindən 60 km aralı) 1958-ci il təvəllüdlü Balaağayev Saməddin Kamaləddin oğluna məxsus “VAZ” markalı minik avtomobili idarəetməni itirərək yol kənarındakı ağaca çırpılıb.

Oxu.Az-ın FHN-in saytına istinadən verdiyi məlumata görə, qəza nəticəsində S. Balaağayev hadisə yerində ölüb.

Avtomobildə sıxılmış vəziyyətdə qalmış meyit yanğınsöndürən-xilasedicilər tərəfindən çıxarılaraq aidiyyəti üzrə təhvil verilib.