Janna Friskenin ölüm xəbəri yayıldı – VİDEO

Rusiyalı pop-ifaçı Janna Friskenin ölüm xəbəri yayılıb.

ANS PRESS-in məlumatına görə, uzun müddətdir xərçəng xəstəliyindən əziyyət çəkən məşhur müğənni həyatının 41-ci ilində gözlərini əbədi olaraq yumub. Bu barədə Rusiya xəbər saytları bildirir.

Ölüm xəbərini müğənninin atası Vladimir Borisoviç Friske də təsdiqləyib.

“Sonu çatdı, həyatı bitdi. Lakin bu tez baş verdi. O, xeyirxah, səmimi və güclü insan idi. İlahi, necə kədərliyəm. Əminom ki, o, orada xoşbəxt olacaq və oxumağa davam edəcək. Yolun uğur olsun”, – deyə prodüsser Maksim Fadeev bildirib.

Qeyd edək ki, Janna Friske 1996-cı ildən etibarən “Blestaşie” adlı qızlardan ibarət olan qrupda çıxış etdikdən sonra məşhurlaşmağa başlayıb. 2003-cü ildə isə solo karyera başlayıb, bundan əlavə olaraq bir neçə kinoda çəkilib.