Çernobıl qəzasını çəkən ilk fotoqraf yol qəzasında öldü

1986-cı ildə Çernobıl AES-dəki qəzanı ilk olaraq fotolentə köçürən fotoqraf yol qəzasında həlak olub.

Musavat.com-un xarici KİV-ə istinadən verdiyi xəbərə görə, İqor Kostin qəza yerində çəkiliş apararkən radiasiyanın böyük dozasına məruz qalanlardan olub.

O, faciəni çəkən ilk fotoqraflardan idi. O zaman fotoqrafla birgə vertolyot faciədən cəmi bir neçə saat sonra Çernobıl səmasına qalxmışdı. Bir il sonra o, qəza ilə bağlı fotolar çəkməyə davam edib, kadrlarda qəzanın nəticələrini aradan qaldıranları və şüa xəstəliyinin qurbanlarını əks etdirib.

Öz işlərinə görə Kostin nüfuzlu “World Presse Photo” mükafatına layiq görülüb. Fotoqraf 78 yaşında həyatdan köçüb.