Bakı metrosunda sərnişin öldü

Bakı metrosunda ölüm hadisəsi baş verib.

AzNews.info xəbər verir ki, APA-nın məlumatına görə, hadisə Bakı Metropoliteninin Memar Əcəmi stansiyasında qeydə alınıb.

Bakı şəhər sakini, 1947-ci il təvəllüdlü Məhbubə Nəsirova qəfildən dünyasını dəyişib. İlkin məlumata görə, M. Nəsirova ürək çatışmazlığından dünyasını dəyişib.

Faktla bağlı Nəsimi Rayon Prokurorluğu tərəfindən araşdırma aparılır.