Sumqayıtda ağır yol qəzası – FOTO

Bugün səhər saatlarında Sumqayıtda ağır yol qəzası baş verib.

Hadisə Koroğlu prospektində baş verib. Dərhal hadisə yerinə yollanan AzNews.info-nun əməkdaşının verdiyi məlumata əsasən, sürətlə hərəkət edən Changan CS35 markalı 99 AG 396 dövlət nömrə nişanlı avtomobil işıqforun qırmızı işığında dayanmış VAZ 2107 markalı 55 BK 871 dövlət nömrə nişanlı avtomobilə çırpılıb. Zərbənin gücündən VAZ markalı avtomobil çevrilib. Hər iki avtomobilə xeyli ziyan dəyib. Hər iki avtomobilin sürücüsü yüngül xəsarətlərlə canlarını qurtarıblar. Hadisə yerinə dərhal Dövlət Yol Polisinin və Post Patrul Xidmətinin əməkdaşları gəlib. Araşdırma aparılır.

AzNews.info hadisə yerindən çəkilmiş görüntüləri təqdim edir: