Bakıda kişi "KamAZ"ın altında can verdi

Bakıda piyadanın ölümü ilə nəticələnən yol qəzası baş verib. Bakı şəhər Baş Polis İdarəsindən ANS PRESS-ə verilən məlumata görə, hadisə sentyabrın 12-də Binəqədi rayonunun Hökməli kəndinin girişində qeydə alınıb.

Belə ki, Bakı şəhər sakini Samir Seyidov idarə etdiyi "VAZ-2104" markalı avtomobillə 1987-ci il təvəllüdlü Rahib Ağayevi vurub.

Qəza nəticəsində R.Ağayev Abşeron rayon sakini Ramil Məmmədovun idarə etdiyi "Kamaz" markalı yük avtomobilinin altına düşərək dünyasını dəyişib.

Faktla bağlı araşdırma aparılır.