Jurnalist Mustafa Hacıbəyli barəsində cinayət işi qaldırıldı

Bastainfo.com saytının baş redaktoru Mustafa Hacıbəyli noyabrın 30-da Bakı Şəhər Prokurorluğuna çağırılıb və ona qarşı Cinayət Məcəlləsinin (CM) üç maddəsi ilə ittiham irəli sürülüb.

Xəbəri “Turan” agentliyi yayıb.

Xəbərdə bildirilir ki, M.Hacıbəyli CM-in 281.2 (dövlət əleyhinə çağırışlar), 309.2 (vəzifə səlahiyyətlərini aşma) və 313-cü (vəzifə saxtakarlığı) maddələri ilə ittiham olunur.

Redaktor barəsində polis nəzarətinə verilmə qətimkan tədbiri seçilib. Həftədə iki dəfə o, yaşayış yeri üzrə sahə polisinə gedib qeydiyyatdan keçməlidir.