Bakıda 48 yaşlı ustanı “tok” vurub öldürdü

Paytaxtda mənzil təmiri ilə məşğul olan ustanı elektrik cərəyanı vurub öldürüb.

Yerli KİV-in məlumatına görə, hadisə Suraxanı rayonunda baş verib.

Nərimanov rayon sakini, 1970-ci il təvəllüdlü Mərdanov Afər Avtandil oğlu Suraxanı rayonu, Bülbülə qəsəbəsində Hüseynov Nicat İslava oğluna məxsus yaşayış evinin damının qır örtüyünü təmir edərkən evin üzərindən keçən elektrik cərəyanı onu vurub.

O dərhal 5 saylı Şəhər Klinik Xəstəxanasına çatdırılsa da, həkimlər həyatını xilas edə bilməyiblər.

A.Mərdanov xəstəxanada dünyasını dəyişib.

Faktla bağlı Suraxanı Rayon Prokurorluğunda araşdırma aparılır.