Rusiyada helikopter çaya düşdü

Bu gün səhər saatlarında Rusiyanın İrkutsk vilayətinin Bodaybo şəhərində “Robinson” şəxsi helikopteri Vitim çayına düşüb.

Oxu.Az xəbər verir ki, bununla bağlı “İnterfaks” məlumat yayıb.

Bodaybinsk rayon meri Yevgeni Yumanşevin sözlərinə görə, qəzaya səbəb helikopterin elektrik xətlərinə toxunması olub. O, sahildən 15 metr uzaqlıqda batıb.

Hadisə zamanı göyərtədə iki nəfər olub. Onlar qəza zamanı ölüblər.