Ukraynada helikopter qəzaya uğrayıb, 4 nəfər ölüb

Dünən axşam saatlarında Ukraynanın Kremençuk şəhəri yaxınlığında Mi-8 helikopteri qəzaya uğrayıb. Qəza nəticəsində 4 nəfər ölüb.

Yerli mətbuat bildirir ki, bu barədə Poltava vilayətinin Fövqəladə Hallar üzrə Dövlət Xidmətinin mətbuat katibi Svetlana Rıbalko məlumat verib.

O bildirib ki, özəl aviaşirkətə məxsus helikopterdəki insanların hamısı həlak olub.

Hüquq-mühafizə orqanları hadisə yerində araşdırma aparır.