Kiyevdə təyyarə qəzaya uğradı: yaralılar var

Bu gün səhər saatlarında Ukraynanın paytaxtı Kiyevdə mülki helikopter yerə çırpılıb.

Virtualaz.org yerli KİV-ə istinadən bildirir ki, bu barədə Ukrayna Milli Polisinin Kiyev İdarəsinin mətbuat xidməti məlumat yayıb.

Məlumata görə, qəza nəticəsində 2 nəfər xəsarət alıb. Xəsarət alanlar xəstəxanaya yerləşdiriliblər.

Mülki təyyarənin özəl şirkətə məxsus olduğu bildirilir. Qəzanın başvermə səbəbi məlum deyil.

Araşdırma başlayıb, polis hadisə şahidlərini dindirir.